Dumoshi bashkë me Hotin e Jahjagën në “Fadil Vokrri”: Zëri i heroinave të Kosovës sot kumbon për fitoren e madhe

Kosova sonte do të përballet me Moldavinë, sfidë kjo e fundit në Grupin 3 të Ligës C në Nations League.

Ministrja e Kulturës, Rinisë dhe Sportit ka publikuar një fotografi nga stadiumi “Fadil Vokrri” e shoqëruar nga kryeministri Hoti dhe ish presidentja Jahjaga.

“Bashkë me Kryeministrin Hoti dhe ish-Presidenten Jahjaga sapo vizituam stadiumin “Fadil Vokrri” ku do të mbahet ndeshja e i cili sot është veshur nga “Dardanët” në mbështetje të fushatës senzibilizuese ‘Bëhu zëri im’ në përkrahje të të mbijetuarve të dhunës seksuale gjatë luftës në Kosovë. Kjo kampanjë është përkrahur nga Federata e Futbollit të Kosovës dhe Ambasada Britanike në Prishtinë. Zëri i heroinave të Kosovës sot kumbon për fitoren e madhe”, ka shkruar Dumoshi.

(Kosova Sot Online)