Thaçi: Superliga ka lojtarë cilësor, por vendos trajneri

Mbrojtësi i djathtë i Ballkanit, Armend Thaçi ka debutuar sot në ndeshjen e parë zyrtare për Kosovën dhe për këtë ai është shprehur i lumtur

Thaçi hyri në lojë në vend të Celinës pasi që me karton të kuq u ndëshkua Ibrahim Dresevic, duke hyrë në ndeshje në minutën e 89-të.

“Po është ndeshja e ime e parë zyrtare dhe me ka bërë të ndihem mirë dhe shpresoj që të vazhdojë prapë. Sigurisht për këtë vendos trajneri”, ka thënë Thaçi.

“Trajneri e ka pa të rëndësishme që të jemi pjesë e këtij grumbullimi dhe unë do t’i përgjigjem çdo thirrje të tij”.

Duke folur për lojtarët e Superligës, Armend Thaçi ka thënë se Kosova ka lojtarë cilësorë edhe në Superligën e saj.

“Superliga e jonë ka lojtarë cilësore që mund të luajnë në Kombëtare, por për këtë vendos trajneri”, ka thënë në fund Thaçi. 

(Kosova Sot Online)