Ballkani dhe Drita ndahen baras pa gola

A.P /
14 March 2021 - 15:34

Ballkani dhe Drita janë ndarë baras pa gola në derbin për kreun e Superligës të dielën.

Kampionia në fuqi dhe liderja e Superligës është ndalur me një barazim 0:0 nga Ballkani me 10 futbollistë në Stadiumin e Qytetit në Suhareke.

Në një ndeshje më pak raste dhe të mbyllur, skuadra e Blendi Shkëmbit mbeti me një lojtarë më pak në 10 minutat e fundit, pas përjashtimit të Egzon Sinanit me kartonin e dytë të verdhë.

Ballkani ia doli të mbahej, megjithatë, dhe e shmangu humbjen e gjashtë këtë sezon.

Pas këtij barazimi, Drita mbetet lidere tani me 54 pikë pas 25 ndeshjeve, dy më shumë se Ballkani dhe katër më shumë se Prishtina, e cila u mposht befas nga Feronikeli të shtunën.

Në ndeshjen e ardhshme, Drita e pret Drenicën në Gjilan, ndërsa Ballkani e viziton Trepçën ’89 në Mitrovicë.

(Kosova Sot Online)