Kane dhe Salah e kanë humbur trenin nëse donin ndonjëherë të shkonin në Barça ose Madrid

Jamie Carragher, legjenda e Liverpoolit, vazhdon të jetë kritik ndaj Mohamed Salah.

Ai po ashtu së fundmi ka përmendur edhe sulmuesin e Tottenham, Harry Kane.

Që të dy, dikur lidheshin me një transferim të mundshëm qoftë në Real Madrid apo qoftë në Barcelonë.

Kane do t’i mbushë 28 gjatë verës, kurse Salah 29. Carragher nuk beson se në këtë kohë krize për shkak të pandemisë, Reali ose Barcelona do të paguanin për ta së paku 120 milionë euro siç do të kërkonin si Tottenhami, ashtu edhe Liverpooli.

“Unë mendoj se ata ndoshta e kanë humbur varkën nëse dëshironin ndonjëherë të shkonin në Real Madrid ose Barcelona. Unë mendoj se ju po flisni për transferime prej 120 milionë eurosh ose ndoshta më shumë, dhe nuk mendoj se ata do të shpenzojnë aq shumë për lojtarë të asaj moshe”, u shpreh Carragher..

(Kosova Sot Online)