E konfirmon Juventusi: “S’do të largohet Cristiano Ronaldo”
Presidenti Andrea Agnelli dhe drejtuesit më të lartë të Juventusit, dolën sot në një konferencë për shtyp, ku folën për planet e klubit bardhezi dhe prezantuan administratorin e ri, që do të jetë Maurizio Arrivabene.
Vëmendja maksimale natyrisht që lidhet me merkaton, e cila është hapur zyrtarisht, ndërsa Federico Cherubini zbuloi se e ardhmja e Cristiano Ronaldos pritet të jetë ende në Torino, pasi ylli portugez nuk ka folur asnjëherë për largim.
“Mund të them se Ronaldo është një pikë e rëndësishme e projektit tonë dhe ka ende edhe një vit kontratë me Juventusin. Deri tani ai nuk na ka shprehur dëshirën për t’u larguar, ndaj nuk ka pse të jemi të shqetësuar. Nuk mund të parashikoj çfarë do të ndodhë në ditët në vijim, por për momentin mund të them se Ronaldo qëndron te Juventus”, u shpreh Cherubini.
(Kosova Sot Online)
