Mesazhi i Spinazzolas pas operacionit
Leonardo Spinazzola ka postuar një mesazh në Instagram pasi që e ka kryer me “sukses operacionin” në thembrën e Akilit. “Rikuperimi fillon tani”
28 vjeçari u lëndua të premten në ndeshjen çerekfinale Itali-Belgjikë derisa në pjesën e dytë lëndoi thembrën e Akilit. Sot, ai e ka kryer operimin në Finlandë dhe pritet të kthehet në aksion pas gjashtë muajve.
“Klubi mund të konfirmojë që Leonardo Spinazzola është operuar më sukses të hënën në thembrën e Akilit të këmbës së tij të majtë, pas lëndimit të tij në ndeshjen ku Italia fitoi kundër Belgjikës në Euro 2020 më 2 korrik”, thuhet në komunikatën zyrtare të klubit të Romës.
(Kosova Sot Online)
