Lukaku si Ronaldo dhe Lewandowski

Joe Cole mendon se Chelsea ka bërë goditjen e duhur duke rikthyer në “Stamford Bridge” Romelu Lukakun.

Chelsea e bleu atë për 115 milionë euro nga Interi, pas dy sezoneve të suksesshme në Itali ku shënoi 64 gola në 95 paraqitje.

Cole beson se siç janë Cristiano Ronaldo dhe Robert Lewandowski në klubet e tyre, do të ketë ndikim edhe Romelu Lukaku te Chelsea.

“Lukaku është i kompletuar. Mund të them se ai është si Robert Lewandowski dhe Cristiano Ronaldo. Nuk po them që është në nivelin e tyre, por ai mund të arrijë shumë nëse vazhdon të punojë siç ka punuar vitet e fundit. Çdo mesfushor do të donte të luante me të”, tha Cole.

Cole gjithashtu tha se Chelsea kishte nevojë për një sulmues si Lukaku.

Në Champions, sipas tij, edhe pse fituan, golashënuesi më i mirë i kishte shtatë gola – çka do të thotë se ata janë një ekip mirë i krijuar, por kishin nevojë për diçka të fundit, dikë që e dërgon shpesh topin në rrjetë dhe tashmë e kanë njeriun e duhur në skuadër.

(Kosova Sot Online)