Tammy Abraham arrin në Romë

Sulmuesi i Chelseat, Tammy Abraham ka mbërritur në aeroportin Ciampino, gati për të përfunduar lëvizjen e tij në Romë.

Anglezi do të kryejë testet e tij mjekësore sot, pasi Giallorossi kanë arritur të bindin 23-vjeçarin që të transferohet në Serie A këtë verë.

Roma ka arritur një marrëveshje për të paguar 40 milionë euro plus 5 milionë euro në bonus për sulmuesin, i cili mbërrin për të zëvendësuar Edin Dzeko në kryeqytetin italian.

Sky Sport Italia raporton se Chelsea do të ketë një klauzolë të riblerjes prej 80 milionë eurosh në marrëveshjen me Romën, e cila do të jetë aktive nga qershori 2023.

Abrahami do të kryejë protokollin e kërkuar në lidhje me masat anti-COVID në Itali para se të bëjë testet mjekësore në Villa Stuart.

(Kosova Sot Online)