A do të përshtatej Aubameyang në La Liga?

Kapiteni i Arsenalit është lidhur me një kalim në La Liga javëve të fundit

Pierre-Emerick Aubameyang ka shënuar gola në Francë, Gjermani dhe në Angli. Pasi ka përfunduar akademinë e të rinjve në AC Milan, me të cilët asnjëherë nuk luajti në skuadrën e parë, bën që vetëm Spanja të jetë ende territor i pa prekur për sulmuesin nga pesë liga e Europës.

Kapiteni i Arsenali ka pagën me të lart në klub por ai vuajti për formë sezonin e kaluar, derisa ka thashetheme se marrëdhëniet e tij me Mikel Arteta nuk janë të mira, kështu që raportohet se ai mund të shitet këtë verë. Nga klubet që e kërkojnë 32 vjeçarin në La Liga janë Barcelona dhe Atletico Madrid.

LaLiga do të ishte një sfidë e re për gabonezin, por a do të përshtatej ai në futbollin spanjoll.

Karriera deri tani e Aubameyang

Aubameyang ju bashkua AC Milanit si 17 vjeçar, por, edhe pse pati paraqitje tepër të mira në garat e të rinjve ai kurrë nuk ja doli që të jetë në skuadrën e parë dhe për këtë u dërgua në huazim në Francë, vendlindjen e tij. Fillimisht ai u huazua në Saint-Etienne, të cilët më vonë e transferuan atje pasi që ai u bë hit duke shënuar 41 gola në 97 ndeshje gjatë dy sezoneve e gjysmë.

Kjo formë bëri që ai të kalojë në Borussia Dortmund ku ai shndërriti në Bundesliga dhe bëhet njëri prej top sulmuesve në Europë.

Katër vite e gjysmë më vonë, Arsenali do të thyente rekordin e transferove për ta sjell atë në Premier Ligë ku luan që dy sezone e gjysmë. Ai ka një numër impresiv të golave, duke vazhduar të cilësohet si njëri prej sulmuesve më të mirë në botë.

Pavarësisht se për momentin nuk është në një skuadër të mirë dhe me mbi 30 vjet  dhe sezonin e kaluar shënoi 15 gola në 39 ndeshje sezonin e kaluar, ai mbetet një top lojtar i klasit botëror dhe top klubet e kontinenetit do ta synojnë transferin e tij pasi që kanë dëgjuar se Arsenali mund ta shet atë.

Thënë ndryshe, ka shqetësime legjitime mbi atë se si ai do të adaptohet në futbollin spanjoll, nëse ai do të ishte destinacioni i tij.

Aubameyan e filloi karrierën si një sulmues anësor para se të luajë edhe qendror, por ai mbetet sulmues i rrezikshëm në të gjitha pozitat e sulmit. Megjithatë, loja sulmuese en tij ka të bëjë më shumë me ritmin e tij shkatërrues – i cili i përshtatet shumë mirë Bundesligës dhe Premier Ligë. Atij i pëlqen të vrapojë dhe kalojë lojtar, të shfrytëzoj pushimet e tyre dhe të kalojë prapa mbrojtjes. Ai shkëlqente me skuadrën e Dortmund kur ishte Jurgen Klopp dhe ka pasur një ritëm të fuqishëm në futbollin anglez.

Krahasimi me Dembele

Në La Liga, megjithatë, sulmuesi i Gabonit mund të adaptohet në lojën e tij. Me një lojë që luhet me ritëm më të ngadalshëm, me më shumë pauza sidomos për skuadrat e mëdha, sulme në hapësira të vogla, që janë specialitete të tij e që në La Liga janë të kufizuara.

Si krahasim mund ta marrim Ousmane Dembele, në ndër shokët më të mirë të Aubameyang dhe ish partner i tij tek sulmi në Dortmund. Sulmuesi i Barcelonën nuk ka bërë ndonjë impakt të menjëhershëm në futbollin spanjoll, edhe pse sezonin e kaluar ai ka filluar të tregojë cilësitë e tij nën drejtimin e Ronald Koeman.

Ata janë tipa të ndryshëm të lojtarëve, natyrisht, por ndryshimi i skenës dhe kultura në futboll do të thotë se ju duhet të adaptoheni me atë, e në moshën 32 vjeçare Aubameyang nuk mund të humbet kohë. Pastaj ka një fakt për ritmin e tij, ai është një armë e madhe që mund të zbehët në të ardhmen e afërt.

Në anën tjetër, përfundimet e aksioneve të Aubameyang dhe inteligjenca e tij janë universale. Ai po ashtu flet gjuhën spanjishte pasi që nëna e tij është spanjolle, e cila gjë do të bënte që ai të transferohet më lehtë në Spanjë. Pasi mund të luajë si sulmues qendror dhe i krahut, ai ka treguar gjithanshmërinë e tij, derisa golat e tij në tri liga kryesor flasin vetë.

Ndoshta, në fakt kalimi në Spanjë – apo në Itali pasi që edhe Juventusi thuhet se e kërkon – do të ishte një zgjidhje perfekt, i cili, në moshën 32 vjeçari, kishte shënuar më se paku gola vetëm sezonin e kaluar. Një ndryshim skene, një start i ri dhe një mundësi që ta rizbulojë vetën do të ishte një mundësi ideale për Futbollistin më të mirë Afrikan për vitin 2015.

(Kosova Sot Online)