Lexoni edhe:
Arsenali përjeton fillimin më të dobët në histori, Arteta buzë shkarkimit
Gundogan vazhdon t’i qëndrojë besnik Gjermanisë
Toni Kroos vendosi t’i japë lamtumirën përfaqësueses gjermane për t’iu dedikuar klubit të Realit të Madridit dhe për të pasur më shumë kohë për familjen, megjithatë një tjetër mesfushor i “panzerave” ka konfirmuar se do të vijojë të japë ende kontributin e tij.
Bëhet fjalë për 30-vjeçarin me origjinë turke, Yilkay Gundogan, i cili në një intervistë për mediat gjermane ka zbuluar se ka folur gjatë me trajnerin Hansi Flick, ndaj të dy bashkë kanë vendosur që të vijojë të mbajë veshur fanellën e përfaqësueses.
“Kam telefonuar Hansin dhe ai më ka shpjeguar projektin e tij në përfaqësuese e njëkohësisht edhe rolin tim aty. Mund të konfirmoj se kapitulli im në përfaqësuese nuk është mbyllur ende, pasi kam ende edhe shumë për të dhënë”, deklaroi Gundogan.
Gjermania i dha fund Europiani që në fazën e 1/8-ave, pasi u eliminua nga Anglia, teksa mesfushori 30-vjeçar nuk e fsheh zhgënjimin për performancën e dobët, por thekson se “panzerat” do të kthejnë faqe menjëherë, për të bërë një përfaqësim dinjitoz në Katar 2022.
“U zhgënjeva shumë për eliminimin, të cilin e vuajta edhe gjatë pushimeve. Pas bisedës me Flick, jam i bindur që do të rikthehemi të bëjmë sërish lojëra të bukura e paraqitje dinjitoze, pasi objektivi ynë i radhës është Kupa e Botës në Katar”, tha futbollisti i Manchester City-t.
(Kosova Sot Online )
