Chelsea synon të rikthehet në binarët e fitores kundër Aston Villës

Chelsea do të kërkojë të kthehet në binarët e fitores kur të përballet me Aston Villën sonte në Birmingham.

Takimi i javës së 19-të mes Villës dhe Chelseat do të zhvillohet në Villa Park në orën 18:30.

Kampioni evropian e humbi vendin e parë në tabelës e Premierligës pas një humbjeje dhe dy barazimeve radhazi në tri ndeshjet e fundit.

Të kaltrit e Londrës janë të vetëdijshëm se një lëshim pikësh edhe sonte do të nënkuptonte ngecje pothuajse e papërmirësueshme në garë për titull, duke e parë që kampioni në fuqi Manchester City e shkatërroi plotësisht Leicesterin sot më herët dhe krijoi një epërsi prej nëntë pikëve në vendin e parë.

Ndërkohë, Aston Villa – e cila do të jetë pa trajnerit Steven Gerrard i cili mungon shkaku i infektimit me koronavirus – e ka rigjetur formën e mirë nën udhëheqjen e ish-mesfushorit anglez.

(Kosova Sot Online)