Askush s’dëshiron të luajë me Rusinë, ia bën “ban” edhe Çekia

Republika Çeke i është bashkuar Polonisë dhe Suedisë duke këmbëngulur se nuk do të përballen me Rusinë në një ndeshje të mundshme për kualifikim në Kupën e Botës muajin e ardhshëm.

FIFA po përballet me presion të shtuar për të përjashtuar Rusinë nga play-off-i për shkak të pushtimit të Ukrainës nga presidenti Vladimir Putin.

Republika Çeke aktualisht do të luajë me Suedinë më 24 mars, ndërsa lufton për vendin e tyre në Kupën e Botës të Katarit.

Fituesi i asaj ndeshjeje është planifikuar më pas të përballet me fituesin e përplasjes së Rusisë me Poloninë – për të vendosur se kush do të kualifikohet në Botëror.

Republika Çeke tani ka postuar një deklaratë në llogarinë e tyre në Twitter, në të cilën ata kanë rënë dakord se “nuk është e mundur të luash kundër kombëtares ruse”.

Ata shkruan: “Komiteti ekzekutiv i FA çeke, anëtarët e stafit dhe lojtarët e ekipit kombëtar ranë dakord se nuk është e mundur të luhet kundër kombëtares ruse në situatën aktuale, madje as në një vend neutral. Të gjithë duam që lufta të përfundojë sa më shpejt.’

(Kosova Sot Online)