Futbollistët e Prishtinës futen në bojkot

FC Prishtina ndodhet në telashe të mëdha. Futbollistët e këtij klubi kanë refuzuar që të dalin në stërvitje këtë të mërkurë.

Futbollistët e klubit kryeqytetas kanë marrë vendim që të futen në bojkot, pasi nuk janë kryer ende obligimet financiare ndaj tyre.

Kampionia në fuqi e Kosovës u ka mbetur dy paga borxh futbollistëve.

Përveç problemeve me financa, Prishtina rrjedhimisht është duke shfaqur formë të dobët edhe të rezultateve.

Bardhekaltërit ndodhen në pozitën e gjashtë në tabelë me 26 pikë.

(Kosova Sot Online)