Roma e mbyll sezonin me fitore, siguron një vend në Ligën e Evropës

Roma e ka mbyllur sezonin 2021/22 në Serie A me fitore ndaj Torinos. Skuadra nga kryeqyteti italian gjithashtu ka siguruar edhe një vend për sezonin e ardhshëm në Ligën e Evropës.

Skuadra e drejtuar nga Jose Mourinho fitoi në udhëtim te Torino me rezultatin 0:3.

Tammy Abraham shkëlqeu në këtë ndeshje, duke shënuar dy prej golave të fitores.

Sulmuesi anglez shënoi në minutat 33 dhe 42. Golin e dytë e shënoi nga pika e bardhë.

Kurse, për golin e tretë u përkujdes Lorenzo Pellegrini, i cili shënoi në minutën e 78-të, gjithashtu nga penalltia.

Pas 38 ndeshjeve të zhvilluara, Roma renditet e pesta në tabelë me 63 pikë, aq sa ka edhe Lazio një pozitë më poshtë. Por, lacialët tani janë me një ndeshje më pak.

Torino e Etrit Berishës e Mergim Vojvodës ndodhet në pozitën e dhjetë me 50 pikë.

Me po aq pikë, një pozitë më poshtë renditet Sassuolo, që tani ka një ndeshje më pak se Torino. 

(Kosova Sot Online)