Reali e vendos çmimin e Mendyt, francezi kërkohet nga Man Utd e Chelsea

Real Madridi e ka vendosur çmimin për Ferlan Mendyn.

Futbollisti francez është bërë objektiv i Manchester Unitedit për sezonin e ardhshëm.

Sipas mediumit “Defensa Central”, kampioni spanjoll dhe evropian ia ka vendosur çmimin prej 50 milionë eurosh mbrojtësit të majtë francez

Krahas “Djajve të Kuq”, futbollistin e pëlqen edhe Chelsea në Angli.

Mendy ishte titullar i “Los Blancos” dhe shfaqi paraqitje pozitive prej se e ka nisur eksperiencën në “Santiago Bernabeu”.

Chelsea do të mbetet pa mbrojtësin e majtë, Marcos Alonso, i cili pritet të rikthehet në Spanjë, ndërsa e sheh përfaqësuesin francez si pasues ideal të tij. 

(Kosova Sot Online)