Sanches te PSG-ja zyrtarizohet këtë javë

Renato Sanches raportohet se është edhe më afër kalimit te Paris Saint-Germaini.

“O Jogo” ka raportuar këtë të premte edhe për arritjen e marrëveshjes mes kampionëve të Francës dhe Lille.

Sipas mediumit portugez, Sanches do të huazohet te PSG-ja për sezonin e ri 2022/23, por me blerje të detyrueshme.

Klubet thuhet se kanë dakord se kjo lëvizje të realizohet për çmimin prej 10 milionë eurosh.

24-vjeçari në “Parc des Princes” mund të zyrtarizohet të dielën.

Për ish-mesfushorin e Bayernit Munichit interesim kishte shprehur edhe Milani. 

(Kosova Sot Online)