City me një mungesë të madhe që në fillim të sezonit

Laporte është lënduar para se të fillojë sezoni për kampionët e Premier Ligës dhe pritet që të mungojë në ndeshjen për Community Shield kundër Liverpoolit

Mbrojtësi i Manchester City, Aymeric Laporte pritet që të mungojë në muajin e parë të sezonit të ri pasi që ka bërë një operim në gjurin e tij këtë verë.

Pep Guardiola ka konfirmuar që mbrojtësi spanjoll ende ka dhimbje nga lëndimi që e pësoi në fund të sezonit të kaluar e ku lojtari kishte luajtur rol të madh në fitimin e titullit.

Transferët e reja, Erling Haaland, Kalvin Phillips dhe Julian Alvarez janë gati dhe qysh të shtunën mund të debutojnë me skuadrën kundër Liverpool në Community Shield.

“Laporta është i lënduar”, tha trajneri i City në konferencë për shtyp. “Ai bëri një operim në fund të sezonit të kaluar, luajti dy apo tri ndeshje edhe pse kishte një lëndim të madh dhe bëri më të mirën”.

“Ai ju nënshtrua operimit dhe deri me tani është duke u rikuperuar mirë. Mendoj se gjatë gushtit do të jetë jashtë, në shtator ndoshta mund të startojë më ne”.

(Kosova Sot Online)