Monza regjistron fitoren e parë në Serie A, mposht Juventusin

Monza ka bërë befasinë e javës së shtatë në Serie A, pasi ka mposhtur Juventusin.

Për skuadrën që u inkuadrua për herë të parë në elitën e futbollit italian, ishte kjo edhe fitorja e parë për këtë sezon 

Ndeshja e zhvilluar sot në stadiumin “Brianteo”, ka përfunduar me rezultatin 1:0.

Christian Gytkjaer (74’) shënoi golin e vetëm dhe të fitores për vendasit.

Vlen të theksohet se “Zonja e Vjetër” luajti me një lojtar më pak nga minuta e 40-të, pas përjashtimit me karton të kuq të Angel Di Marias.

Monza pas kësaj fitore ka katër pikë dhe renditet në pozitën e 18-të në tabelë, kurse Juventusi është i teti me 10 pikë.

(Kosova Sot Online)