Arsenali dhe Martinelli në bisedime për rinovim të kontratës

Arsenali dhe Gabriel Martinelli janë në bisedime për rinovim të kontratës.

Sulmuesi braziliani është njëri nga futbollistët kryesorë dhe të pazëvendësueshëm në formacionin bazë të Mikel Artetas

Kësisoj, klubi londinez dëshiron që Martinelli të jetë pjesë e tyre edhe për më shumë vite.

Sipas “The Times”, palët po diskutojnë për nënshkrimin e një kontrate të re sipas së cilës 21-vjeçari do të fitojë më shumë se dyfishin e 50,000 funteve në javë, që merr aktualisht.

Ditë më parë, ish-sulmuesi Ituanos deklaroi se dëshiron të qëndrojë në “Emirates Stadium”.

“Sigurisht që dua të qëndroj. Ne jemi duke komunikuar, do të shohim se çfarë do të ndodhë. Por, unë dua të qëndroj”, ishte shprehur ai.

Në 9 ndeshje këtë në Premierligë, Gabriel Martinelli ka shënuar 4 gola dhe ka dhënë 2 asistime. 

(Kosova Sot Online)