Problemet e Ronaldos në Man Utd nuk do të prekin Portugalinë në Kupën e Botës

Kritikat e ashpra të Cristiano Ronaldos ndaj Manchester United nuk do të kenë ndikim në përpjekjen e Portugalisë për lavdinë e Kupës së Botës në Katar, këmbëngul mesfushori Joao Mario.

Ronaldo ka duruar një sezon të vështirë pasi thuhet se ka shprehur dëshirën e tij për t'u larguar nga Old Trafford në afatin kalimtar, duke bërë vetëm katër starte në Premier League dhe duke shënuar vetëm një herë në kompeticion.

Pasi u dëbua përkohësisht nga aktivitetet e ekipit të parë nga Erik ten Hag pasi refuzoi të hynte si zëvendësues kundër Tottenhamit muajin e kaluar, transmeton gazeta “Kosova Sot Online”, e ardhmja e Ronaldos në United është sërish në dyshim pas vendimit të tij për të dhënë një intervistë shpërthyese për Piers Morgan.

Në pjesët e hershme të publikuara nga intervista, pesë herë fituesi i Topit të Artë pretendoi se ishte "tradhtuar" nga United dhe tha se nuk kishte respekt për Ten Hag.

Ronaldo do të fillojë fushatën e tij të pestë dhe me gjasë të fundit në Kupën e Botës këtë muaj dhe bashkëlojtari ndërkombëtar Joao Mario nuk beson se Portugalia do të vuajë për veprimet e 37-vjeçarit.

(Kosova Sot Online)