A mund të regjistrohet Ronaldo te Al-Nassr

Cristiano Ronaldos do t’i jepet drita jeshile për të bërë debutimin e tij me Al Nassr pasi klubi saudit ndërpreu kontratën me Vincent Aboubakar.

Kamerunasi do të largohet nga klubi për t’i hapur rrugë Ronaldos pasi rregullat e ligës saudite thonë se klubet mund të regjistrojnë vetëm deri në tetë lojtarë të huaj për skuadër.

Klubi ishte i vetëdijshëm se duke shtuar Ronaldon në skuadrën e tyre, ata do të duhej të largonin një nga yjet e tyre.

Sipas raportimeve në Francë, në mënyrë reciproke është vendosur që Vincent Abobakar t’i ndërpritet kontrata dhe do të kompensohet financiarisht nga klubi.

Largimi i tij do të thotë se Ronaldo mund të regjistrohet zyrtarisht për të luajtur për Al-Nassr, por nuk ka gjasa të bëjë debutimin e tij të shumëpritur deri më 22 janar.

37-vjeçari duhet të përfundojë një pezullim prej dy ndeshjesh pasi i rrëzoi një celular nga duart një 14-vjeçari pas humbjes së Manchester United ndaj Everton në vitin 2021.

Ndërkohë, Ronaldo ka qenë duke punuar shumë në palestër për t’u përgatitur për pjesën e mbetur të sezonit të sezonit.

(Kosova Sot Online)