Xavi ende ndihet i aftë për t’i kthyer gjërat në rrugën e duhur

Xavi Hernandez ende ndihet i aftë për t’i kthyer gjërat në rrugën e duhur, sipas raporteve të fundit, por ai nuk do ta vështirësojë situatën për “Blaugranët” nëse ata vendosin ndryshe.

Spanjolli është nën presion më të madh se kurrë më parë që nga kthimi në klub, dhe raporte të ndryshme thonë se ai është vetëm disa rezultate negative larg nga t’i tregohet dera.

Megjithatë, sipas “AS”, Xavi nuk e ka hedhur ende peshqirin dhe synon ta përfundojë këtë sezon pasi është i bindur se mund ta përfundojë sezonin ende me trofe.

Por, ai thuhet se e kupton se nëse shkarkohet në fund të vitit, do të jetë për faktin se ai nuk i ka përmbushur kërkesat këtë sezon.

(Kosova Sot Online)