Kane kërkon rekordin në Mynih

95 milionë euro janë shumë para. Nuk ka asnjë përllogaritje që është e vlefshme për qytetarin mesatar me këtë shifër. Por në botën e futbollit tingëllojnë si pak para nëse flasim për nënshkrimin e një sulmuesi të nivelit të Harry Kane. Sepse tingëllon ‘lirë’ të mendosh se një figurë e tillë ka siguruar 22 gola vetëm në gjysmën e sezonit në Bundesligë. Dhe synon rekordet.

I ardhur nga Tottenham në verë, pritshmëritë ishin shumë të larta për britanikun. Dhe nuk ka zhgënjyer. Ai ka shënuar 22 gola pas 16 ndeshjeve në Bundesligë. Shifrat e tij, për momentin, janë të sakta me atë që kishte Robert Lewandowski në të njëjtën periudhë kohore në sezonin e tij rekord 2020-2021, sipas të dhënave nga “The Athletic”.

Në atë sezon, më frytdhënësi në nivelin e Bundesligës për futbollistin aktual të Barçës, Lewandowski përfundoi duke shënuar 41 gola. Në sezonin 1971-1972, Gerd Müller shënoi 40 gola me të njëjtat ngjyra, duke vendosur rekordin që theu polaku.

Por, në këtë pikë, Kane është më shumë se “bomberi” historik gjerman, është në të njëjtin nivel me polakun. 22 gola nuk janë asgjë për të. Në sezonet e tij më të mira në kampionat me Tottenham, Kane nuk i kaloi 30 golat.

(Kosova Sot Online)