Juventusi e Lazio e zhvillojnë sonte ndeshjen e parë gjysmëfinale
Sonte nis faza e ndeshjeve gjysmëfinale në kuadër të Kupës së Italisë.
Juventusi dhe Lazio do të përballen në sfidën e parë gjysmëfinale.
Pritet të jetë një ndeshje jashtëzakonisht interesante, me Lazion që e mposhti Juventusin në Serie A, fundjavën e kaluar.
Ishte një gol i realizuar në minutat shtesë që i dha fitoren Lazios, por natyrisht sonte pritet të jetë një ndeshje shumë më e luftuar, duke pasur parasysh edhe rëndësinë e ndeshjes.
Deri në këtë fazë, zonja e vjetër erdhi pasi eliminoi Salernitanan e Frosinonen.
Kurse, lacianët eliminuan Genoan dhe rivalët e tyre të përbetuar, Romën.
Takimi i sotëm do të nis nga ora 21:00. Ndeshja kthyese do të zhvillohet më 23 prill në “Olimpico”.
Gjysmëfinalja tjetër do të jetë mes Fiorentinës dhe Atalantas, që zhvillohet të mërkurën nga ora 21:00.
(Kosova Sot Online)