Lexoni edhe:
Aleksanër Vuçiq i trembet rezolutës për krimet serbe ne Srebrenicë, bën thirrje Greqisë të abstenojë gjatë votimit në OKB
Pasiu Iu shënoi gola ekipeve të njohura kosovare, Florid Gashi vendos ta mbyllë karrierën
Florid Gashi e ka shijuar në maksimum karrierën e tij futbollistike.Ndonëse nuk luajti në ekipet e njohura kosovare, ai e pati mundësinë të përballej me to, e madje t’ju shënojë edhe gola dhe të shkëlqejë ndaj tyre, transmeton "Kosova Sot Online ".
E si çdo fillim që e ka edhe fundin, edhe karrierës së futbollistit gjakovar i ka ardhur fundi.
37 vjeçari e ka marrë vendimin që t’i vendosë këpucët në gozhdë pasi luajti për disa ekipe kosovare.
Ai ndihet i kënaqur me karrierën dhe ka kujtime shumë të mira nga krejt këto vite sa u mor me futboll.
“Karrierën e kam filluar tek KF Gjakova si sulmues e pastaj tek KF Luftëtari kam qenë golashënuesi më i mirë në Ligën e Dytë. Kam luajtur edhe në tek Lugu i Baranit, Rilindja e Kosovës, Dardanët, Dushkaja, me të cilën jemi shpallur kampion nga Liga e Tretë dhe dolëm në Ligën e Dytë, pastaj në KF Dukagjini e KF Xërxa, ndërsa së fundmi kam luajtur tek KF Dardanët. Në këtë klub e falënderoj trajnerin Dedi Tunaj dhe stafin e KF Dardanët”, deklaroi fillimisht Gashi, i cili ndërkohë ka luajtur edhe në futsall me ekipin KF Viganët.
“Unë iu kam shënuar gola shumë skuadrave të mëdha kosovare siç janë: Vëllaznimi, Istogu, Onix, Malisheva, Rahoveci, Drenica, Deçani e Behari”, zbulon futbollisti gjakovar.
E tash, pas përfundimit të karrierës si futbollist i seniorëve, Florid Gashi, i cili njëherësh është kampion i Kosovës në kërcimet nga Ura e Fshejt, nuk e ka ndërmend të ndahet nga futbolli.
“Pas përfundimit të futbollit profesional, do të vazhdoj me futbollin tek veteranët e klubit të futbollit Gjakova, aty ku edhe e fillova karrierën”, përfundoi Gashi.
(Kosova Sot Online )
