Ekipi i xhudos viziton edhe Gllogjanin

Pas Prekazit, Driton Kuka me Distria Krasniqin, Laura Fazliun dhe ekipin kosovar të xhudos vizituan edhe një vend tjetër historik.

Medaljet e fituara nga Lojërat Olimpike të Parisit ata i dërguan edhe në Gllogjan.

Ata bënë homazhe pranë varrezave të dëshmorëve të kombit.

“Gllogjani për ne në Dukagjin ishte vendi i shenjtë ku lufta shënonte beteja të ashpra për lirinë e vendit tonë! Sot ekipi ynë qëndroj për homazhe në varrezat e Dëshmorëve në Gllogjan! Na mirëpriti njeriu kyç i luftës Ramushi me bashkëluftëtar, për të dëgjuar për heroizmin e pashoq! Lavdi”, shkroi Driton Kuka.

(Kosova Sot Online)