Vinicius zbulon detaje të kontratës me Realin
Vinicius Junior ndihet mjaft i lumtur në Madrid.
Ylli brazilian po e shijon çdo moment në fanellën e Realit dhe nuk po i bëjnë përshtypje aspak ofertat që po i vijnë nga Arabia Saudite.
Madje, lojtari më i mirë në botë i zgjedhur nga FIFA po mendon për kontratën e re, të cilën pritet ta nënshkruajë me “Los Blancos”.
Përfaqësuesi brazilian ndihet mjaft mirë që e ka besimin e klubit dhe e ka ndërmend të qëndrojë gjatë në “Santiago Bernabeu”.
“Vazhdimi i kontratës mund të ndodh shpejt. Kam kontratë deri në vitin 2027. Ka kohë sa të duash, ne nuk kemi nevojë t’i bëjmë gjërat duke u ngutur”, theksoi Vinicius.
“Florentino Pérez më beson mua dhe unë i besoj atij. Unë i besoj çdokujt në këtë klub, i cili më ndihmoi aq shumë. Unë jam këtu për të bërë gjithçka për ta”, vazhdoi ylli brazilian.
(Kosova Sot Online)
