Supergoli i Valverdes ia dhuron tri pikë të arta Realit

Federico Valverde ka shënuar supergol për të mbajtur Real Madridin në garë për titull të kampionit të Spanjës.

Madridi të dielën mbrëma fitoi 1:0 ndaj Athletic Bilbaos.

Kur ndeshja po shkonte drejt barazimit pa gola, Valverde shënoi gol me goditje mjeshtërore në minutën e 93-të.

Ndeshja i takoi xhiros së 32-të të La Ligas.

Në minutën e 80-të Viniciusit iu anulua një gol për pozitë jashtë loje të Endrickut.

Por Valverde shpëtoi skuadrën e Carlo Ancelottit.

Gjashtë xhiro para fundit, Madridi është i dyti me 69 pikë, katër më pak se Barcelona.

Atletico Madridi është në vendin e tretë me 63 pikë, ndërsa Bilbao renditet e katërta me 57 pikë.

Në mesjavën e ardhshme, Real Madridi luan me Getafen në kuadër të xhiros së 33-të.

(Kosova Sot Online)