Xabi Alonso thyen një traditë

Xabi Alonso bëri një ndryshim në rutinën para-ndeshjes së Real Madrid.

Alonso theu një traditë të Carlo Ancelottit përpara se të drejtonte ndeshjen e tij të parë në La Liga si trajner i Real Madrid.

Ai e zëvendësoi Ancelottin këtë verë dhe drejtoi Realin në Kupën e Botës për Klube në Shtetet e Bashkuara.

Gjigantët spanjollë arritën deri në gjysmëfinale, ku u eliminuan nga Paris Saint-Germain, që fitoi me rezultat të thellë 4-0.

Alonso më pas zhvilloi një ndeshje përgatitore për sezonin 2025/26, duke mposhtur ekipin austriak WSG Tirol me rezultat 4-0.

Reali e hapi fushatën e La Ligas me një ndeshje në shtëpi kundër Osasunës të martën.

Duke folur përpara ndeshjes së parë të sezonit të ri, 43-vjeçari tha se skuadra e tij po bën përparime dhe po merr hapat e duhur.

“Po bëjmë përparime. Është e vështirë ta vlerësosh nivelin, nuk ka një matës të saktë për këtë, por po ecim në drejtimin e duhur,” tha ai.

“Jam i sigurt se ende kemi rrugë për të bërë, por gjërat kryesore, bazat, u prezantuan që në Kupën e Botës për Klube dhe tani kemi shkuar pak më thellë gjatë dy javëve të fundit. Nga këtu, duhet vetëm të vazhdojmë, ndjesia në klub është pozitive.”

Alonso shpalli formacionin e tij përballë Osasunës pak para fillimit të ndeshjes, duke aktivizuar që nga minuta e parë blerjet e reja të verës: Trent Alexander-Arnold, Dean Huijsen dhe Alvaro Carreras.

Lajmet e formacionit u publikuan rreth 70 minuta para fillimit, në kontrast me mënyrën e Carlo Ancelottit, i cili i shpallte formacionet dy orë përpara ndeshjes, sipas Marca.

Alonso ka ndryshuar rutinën para-ndeshjes së Realit, duke shënuar kështu fillimin e një epoke të re.

(Kosova Sot Online)