Mbappe dhe PSG në përplasje ligjore
Marrëdhënia e tensionuar mes Kylian Mbappes dhe ish-klubit të tij, Paris Saint-Germain (PSG), ka përfunduar në një betejë ligjore të madhe në Gjykatën e Punës në Paris.
Ylli francez kërkon 260 milionë euro nga PSG, ndërsa klubi kërkon 440 milionë euro, sipas raportimeve të mediave franceze, përfshirë L’Equipe.
Mbappe kërkon rreth 55 milionë euro paga të papaguara dhe dëmshpërblime shtesë për trajtim të padrejtë dhe ngacmime psikologjike, duke akuzuar PSG-në për shkelje të kontratës dhe krijim të një ambienti punë i “armiqësor” para largimit të tij në Real Madrid në 2024.
Nga ana tjetër, PSG ka ngritur padi kundër Mbappes, duke pretenduar se refuzimi i tij për t’u transferuar te Al Hilal shkaktoi një humbje të madhe financiare prej 300 milionë eurosh.
Klubi thotë se Mbappe ishte “i pabesë”, duke fshehur vendimin për të mos rinovuar kontratën për gati një vit, duke e privuar PSG-në nga mundësia e një transferimi.
Mbappe ishte pjesë e PSG-së nga viti 2017 deri në 2024, ku shënoi 256 gola në 308 ndeshje dhe fitoi 15 trofe.
Largimi i tij falas në qershor 2024, pas spekulimeve të shumta, ka shkaktuar një përplasje financiare dhe ligjore që mund të kthehet në një nga betejat më të shtrenjta në historinë e futbollit mes një lojtari dhe klubit.
Situata pritet të ndjeket me kujdes nga të gjithë tifozët dhe ekspertët e sportit, ndërsa Mbappe vazhdon të shkëlqejë në Madrid, ndërsa konflikti me PSG-në duket se do të zgjasë edhe për muajt e ardhshëm.
(Kosova Sot Online)
