Man.City siguron gjysmëfinalen e Carabao Cup

Manchester City ka siguruar një vend në gjysmëfinale të Carabao Cup, pasi mposhti Brentfordin me rezultat të pastër 2-0, duke kontrolluar ndeshjen nga fillimi deri në fund.

Skuadra e Pep Guardiolës gjeti golin e epërsisë në minutën e 32-të, kur Rayan Cherki shfrytëzoi një top të larguar nga mbrojtja dhe me një goditje të fuqishme nga distanca e dërgoi topin në këndin e sipërm të portës, për 1-0.

Brentford kishte shansin më të mirë për të reaguar më herët, në minutën e 19-të, por James Trafford u tregua vendimtar, duke pritur me mjeshtëri goditjen e dënimit të Mathias Jensen.

Në pjesën e dytë, City shtoi presionin dhe vulosi fitoren në minutën e 67-të.

Savinho realizoi pas një aksioni individual, kur pas depërtimit në zonë dhe një devijimi nga mbrojtja, topi përfundoi në rrjetë për golin e dytë.

Me këtë fitore, Manchester City vazhdon rrugëtimin në kupë, ndërsa vëmendja tani zhvendoset te Premier League, ku pas tre ditësh “Qytetarët” do të presin West Ham në “Etihad Stadium”. 

(Kosova Sot Online)