Liverpooli nderon ish-yllin

Dy djemtë e Diogo Jotës do t’u bashkohen maskotave në Anfield, kur Liverpooli të përballet me Wolverhampton Wanderers në Premier League të shtunën, raportoi The Times.

Sulmuesi portugez Jota, i cili kishte luajtur për të dyja klubet e Premier League, humbi jetën në një aksident automobilistik së bashku me vëllain e tij më të vogël në korrik, në veriperëndim të Spanjës. Ai ishte 28 vjeç.

Liverpooli nuk iu përgjigj menjëherë kërkesës së Reuters për konfirmim, e dërguar jashtë orarit normal të punës në Mbretërinë e Bashkuar.

Jota iu bashkua Wolves si i huazuar nga Atletico Madridi në vitin 2017 dhe e bëri transferimin e përhershëm një vit më vonë. Në vitin 2020 ai nënshkroi një kontratë pesëvjeçare me Liverpoolin, ku fitoi titullin e kampionit më herët këtë vit.

Ndeshja e së shtunës shënon herën e parë që Liverpooli dhe Wolves përballen pas vdekjes së Jotës.

Bashkëshortja e Jotës, Rute Cardoso, dhe dy djemtë e saj, Dinis dhe Duarte, ishin të pranishëm në ndeshjet hapëse të sezonit në shtëpi për Liverpoolin dhe Wolves në muajin gusht.

(Kosova Sot Online)