Jurgen Klopp objektivi i klubit të njohur

Real Madridi do të duhet t’i paraqesë Jurgen Kloppit një ofertë kontrate shumë të madhe për ta joshur atë të rikthehet në pankinë, teksa ai vazhdon pushimin e tij nga menaxhimi i futbollit.

Klopp u largua nga Liverpooli në vitin 2024 pas gati nëntë vitesh në krye të klubit, periudhë gjatë së cilës i shndërroi “Reds” sërish në një forcë madhore. Gjermani i udhëhoqi ata drejt fitimit të Premier League, Ligës së Kampionëve dhe Kupës së Botës për Klube, por u largua nga Anfield 18 muaj më parë, duke pranuar se ndihej i lodhur dhe i konsumuar.

Që atëherë, ai është emëruar Shef i Futbollit Global te Red Bull, duke marrë kohë larg menaxhimit, por së fundmi Klopp është lidhur me postin e trajnerit të Real Madridit, mes pasigurisë rreth pozitës së Xabi Alonsos.

Alonso u shkarkua të hënën pas humbjes 3-2 ndaj Barcelonës, por siç u zbulua në edicionin e fundit të podcastit Inside Track të Football Insider, “Los Blancos” mund ta kenë të vështirë ta bindin Kloppin të rikthehet në pankinë në të ardhmen e afërt.

Álvaro Arbeloa është trajneri i ri i Real Madridit, pasi u promovua nga ekipet e të rinjve, por pritet që klubi të vazhdojë kërkimet për një emër përfundimtar dhe afatgjatë gjatë verës.

Football Insider ka zbuluar se Klopp është një “ëndërr” për Real Madridin, teksa ata synojnë ta joshin atë të rikthehet në rolin e trajnerit, por për ta siguruar shërbimin e tij së shpejti mund të nevojitet një ofertë shumë e majme financiare, pasi ai po e shijon periudhën larg futbollit aktiv.

(Kosova Sot Online)