Ancelotti po e shijon kohën e tij në Brazil

Trajneri i kombëtares së Brazilit, Carlo Ancelotti, u pa duke shijuar karnevalet në Rio de Janeiro gjatë fundjavës, duke pirë disa birra me ish-sulmuesin e Milanit, Ronaldo: “Jam i sigurt që po e shijon shumë eksperiencën.”

Ancelotti u emërua trajner i Brazilit në maj të vitit të kaluar dhe do ta udhëheqë “Seleçãon” në Botërorin 2026 në Amerikën e Veriut këtë verë.

Brazili tashmë ka siguruar kualifikimin për Botërorin dhe do të luajë më pas ndaj Francës dhe Kroacisë në dy miqësore ndërkombëtare më 26 mars dhe 1 prill.

Para ndeshjeve, Ancelotti ka mundur të përjetojë disa nga traditat dhe kulturën lokale gjatë karnevaleve në vend.

Së fundmi ishte në Rio së bashku me disa ish-yje të Brazilit, përfshirë Ronaldon dhe Denilson.

Sipas mediave lokale, “ge.globo”, Ancelotti dhe Ronaldo ishin në kuti pranë njëri-tjetrit dhe në një moment, Ronaldo e kaloi trajnerin e ish-Milanit dhe Real Madridit me një karrocë gjatë paradës.

(Kosova Sot Online)