Selena Gomez - mbretëresha e “Instagramit”, me 100 milionë “oborrtarë”(Foto)
Ia ka kaluar edhe Taylor Swiftit për nga numri i pasuesve,transmeton Gazeta Kosova Sot.
Selena Gomez është bërë e famshmja më e ndjekur në “Instagram”. Profili i saj në këtë rrjet social të ndarjes së fotove u bë i pari që tejkaloi shifrën prej 100 milionë ndjekësve. Këngëtarja e hitit “Hands to Myself” ka lënë prapa emra të njohur të shoubizit, si Taylor Swift (me 91.4 milionë ndjekës), Beyonce (85.3 milionë), Ariana Grande (85 milionë) dhe Kim Kardashian West (83.6 milionë ndjekës në “Instagram”).
Fotoja e fundit të cilën e postoi Gomez, ishte një foto e saj në skenë, gjashtë javë më parë. Fotografia e saj e mëparshme, ku shihej duke pirë “Coca-cola” u bë fotoja më e pëlqyer në këtë rrjet social.
(Kosova Sot)