Fjolla Morina këngë rrëqethëse për të dashurin që u vra në atentat, i shkon tek varri dhe shfaq detajet e trishta
Pak ditë më parë këngëtarja e njohur nga Kosova, Fjolla Morina, ka sjellë një këngë të re, krejt ndryshe nga sa jemi mësuar ta shohim.
Këtë herë ajo ka ardhur me një baladë dashurie, ku i këndon të dashurit të saj, dy vite pas vrasjes së tij.
Kjo është një histori e vërtetë, dhe bëhet fjalë për të riun që u vra në një atentat, në vitin 2017, Juxhin Dauti, së bashku me mikun e tij Ervin Dalipi.
Dautai më herët ka qenë i akuzuar për vrasjen e Fation Banit, i cili u qëllua në mjetin e tij më 17 mars të 2012 në Vlorë. Nga akuza për vrasjen e Fatjon Banit, ai u shpall i pafajshëm, sakaq vrasja e Dautit mbetet edhe sot ende e pazbardhur nga policia.
Në këtë klip Fjolla shfaqet në të zeza, ndërsa shkon në varrin e të dashurit të saj, duke treguar bustin që familjarët i kanë bërë, foton e tij, dhe dedikimit prekës që i kanë shkruar.
Fjolla nuk ka folur kurrë me emër për të, por në një intervistë disa kohë më parë për “Edicioni Veror” në Abc News, Fjolla ka treguar se për momentin është single dhe se preferon të qëndrojë vetëm.
“Jam vetëm sepse tani është më mirë të rri vetëm”,- ka thënë fillimisht Fjolla. E pyetur nga gazetarja se nëse është zhgënjyer ndonjëherë nga dashuria, Fjolla është përgjigjur kështu: “E zhgënjyer, ndoshta nga jeta, zoti t’i merr njerëzit më të dashur dhe ky është zhgënjimi më i madh. Nuk është zhgënjim kur dikush largohet se nuk do të rrijë me ty”.
Ndërkohë. Lidhur me publikimin e këngës, ajo në Instagram ka shkruar: ek kjo kenge i kendoj dhimbjes, asaj dhimbje qe kur e ke ne lekure tende kupton qe koha nuk i sheron kurre plaget e disa plage do te dhembin per tere jeten dhe zemra kurr nuk ka per tu sheruar. Ne kete dhome I kam kenduar dashurise se vertet sepse vetem ajo eshte e pavdekeshme. Shume gjera ne jete jane te pamundura dhe jo gjithcka e ka nje zgjidhje. Lotet nuk e kthejne dike qe eshte larguar nga kjo jete por duke e kujtuar na ndihmon te rritemi pa harruar rruget qe kaluam.
Ruaji njerzit e dashur sic ruani pikturat e vendoseni ata ne driten me te mire.
(Kosova Sot)
