Pësoi atak në zemër: Si e kishte paralajmëruar Muharrem Ahmeti se nuk po ndihet mirë
Dje në media u raportua se këngëtari i mirënjohur Muharrem Ahmeti është në gjendje të rëndë shëndetësore, pasi ai kishte pësuar një atak në zemër.
Kjo u bë e ditur nga violinisti i tij Kristian Xhaferaj, i cili përmes një postimi në Facebook, ka shkruar se Ahmeti është në gjendje të rëndë shëndetësore.
“Pershendetje te gjithve Shok koleg te vllait ton Muharrem ahmeti esht e pamundur ti pergjigjem cdo njeriut prej jush kam mbi 700 telefonata. Vertete ka kaluar nje gjendje te rend Shendetsore por esht GJaLL i lutem te gjithve Atyre shok qe postojn gjera jo te verteta ti fshin Sepse nuk jan te verteta. Vllai jon ka nevoj per lutjet tona qe gjendja e tij te behet me mir Me respekt Kristi.”, shkroi Xhaferaj.
Mirëpo, këngëtari i mirënjohur, si duket kishte ditë që nuk ishte mirë më shëndet, kjo pasi ai kohëve të fundit nuk ka qenë fare aktiv në rrjetet sociale.
Në Instagramin e tij që numëron 44 mijë ndjekës, Ahmeti ka publikuar një thënie me 16 shtator.
Në këtë publikim, që kishte bërë javë më parë, kishte folur për disa sprova dhe fatkeqësi, të cilat po kalonte.
Deri më tani nuk janë dhënë informacione të tjera për gjendjen e tij shëndetësore.
(Kosova Sot Online)
