Vajza në foto, sot një nga këngëtaret më të pëlqyera të muzikës shqiptare

17 July 2020 - 22:05

Këngëtarja e njohur, Eli Fara, duket se është bërë paksa nostalgjike pasi në profilin e saj në “Instagram” ka publikuar një fotografi të 31-viteve më parë.

Në imazhin në fjalë, Eli shfaqet e veshur me një fustan të zi të gjatë dhe në bel ka një rrip. Ndërkohë për ta kombinuar ka veshur një palë këpucë me taka po të zeza si dhe ka vendosur një varëse.

Këngëtarja shfaqet e qeshur dhe shumë elegante, madje fansat, kolegët apo personazhe të tjerë të ekranit duket se i ka lënë me gojë hapur dhe nuk kanë rezistuar dot pa i komentuar. “1989! Korçë”, shkruan ajo krahas fotos që menjëherë shkaktoi “brom” komentesh.

Mikja e saj, këngëtarja Aurela Gaçe i shkruan: “Ca ylli dmth ,nam ♥ neper rruget e Korces kur kaloje, kushedi cfare trazirash shkaktoje ?, edhe ta bera me rimë,fol po deshe”. Ndërsa moderatorja Rudina Magjistari i lë këtë koment: “Si Monica Belluci te Malena”.