Justin Bieber është një hap më afër identifikimit të grave që e akuzuan për sulm s*ksual

Justin Bieber është gati t’i identifikojë akuzueset e tij.

Ylli i popit po merr masa ligjore kundër dy përdorueseve të Twitter-it, të cilat pretenduan në rrjete sociale se ai i sulmoi seksualisht, shkruan DailyMail.

Justin Bieber ka fituar raundin e parë në padinë për shpifje, me Gjykatën e Lartë të Los Angeles-it duke dhënë një kërkesë për të bërë thirrje në Twitter për të identifikuar njerëzit që qëndrojnë pas llogarive, sipas NBC News.

Të pandehurit në ankesë janë identifikuar vetëm si Jane Doe 1 dhe 2, në Twitter ato kishin emrat Danielle dhe Kadi -dhe nuk mund të shërbehen derisa të identifikohen.

Thirrjet në Twitter do të ndihmojnë në identifikimin e tyre, por mund të duhen muaj për të marrë informacionin.

Avokati i tij, Evan N. Spiegel, i tha gjykatësit të Gjykatës Supreme të Los Angeles, Terry Green: ‘Ne thjesht duam të zbulojmë se kush qëndron pas këtyre dy llogarive dhe mund të jetë i njëjti person’.

Avokati i yllit i tha gjykatësit se akuzuesit nuk e kanë bërë ‘kujdesin e duhur’ për të ‘fabrikuar’ pretendimet e tyre, për faktin se të dy pretendimet mund të kundërshtohen përmes dëshmitarëve okularë dhe fotografive nga paparacët nga ato ditë.

Uebsajti gjithashtu raportoi që Gjykatësi nuk dinte ta shqiptonte mbiemrin e yllit dhe e pyeti avokatin e tij nëse ai duhet të dijë se kush është paditësi.

Sipas NBC News, Evan tha se ai është një artist i njohur në vende të caktuara. Këngëtari, 26 vjeç, ngriti padinë në fund të qershorit kundër llogarive që i përkisnin Danielle dhe Kadi të cilat pretendojnë se atao do të ishin viktima, përkatësisht më 2014 dhe 2015.

Në dokumentet ligjore, Justin deklaroi se ai ka ‘prova të padiskutueshme’ për të dëshmuar se pretendimet e sulmit seksual janë ‘gënjeshtra, të fabrikuara’, njoftoi TMZ muajin e kaluar.

Këngëtari beson se ato pretendojnë ta dëmtojnë reputacionin e tij, madje beson se ato llogari mund të përdoren nga i njëjti person.

Ai po kërkon 20 milionë dollarë dëmshpërblim, nga 10 milionë dollarë për secilën.

Danielle pretendon se është sulmuar seksualisht nga Bieber në një dhomë në hotelin Four Seasons në Teksas më 9 mars 2014, por më pastaj ajo llogari është fshirë nga Twitter.

Kurse, Kadi thotë se Justin e sulmoi seksualisht në dhomën e tij në hotelin Langham në Nju Jork në orën 2:30 të mëngjesit më 5 maj 2015. 

(Kosova Sot Online)