Besiana Mehmedi kujton babain në tre vjetorin e ikjes në amshim

Me datë 18-të Korrik u bënë tri vite që kur ka ndërruar jetë gazetari kërçovar dhe idealisti i kauzës kombëtare Qani Mehmedi, shkruan gazeta "Kosova Sot Online".

Si çdo përvjetor tjetër, edhe kësaj radhe nuk kishte si të mungonte përkujtimi nga vajza e tij - profesoresha, këngëtarja dhe sopranoja e njohur Besiana Mehmedi, e cila në llogarinë e saj sociale ka shkruar:

Një përvjetor ndryshe nga të tjerët!

Për shkak të rrethanave të pandemisë globale kjo datë për dallim nga vitet e shkuara kaloi pa organizim publik e të veçantë përkujtimor për Qani Mehmedin.

Të gjithë miqtë e familjarët i falemnderojmë nga zemra për mesazhet, telefonatat, kujdesin! Qofshi të bekuar ju dhe familjet tuaja!

 

(Kosova Sot Online)