Lexoni edhe:
Oriola 'trondit' rrjetin me këtë paraqitje
Ja pse u nervozua Ricky Martin
Prezantuesi amerikan Billy Bush kujtoi se si Ricky Martin reagoi dhunshëm pasi ai e pyeti nëse ishte homoseksual. Tani ai pendohet që ia ka shkelur privatësinë dhe e ka detyruar ta pranojë, transmeton gazeta “Kosova Sot Online”.
Bush zbuloi se i kishte thënë Ricky-t gjatë intervistës se tetë persona me të cilët kishte folur në holl natën e kaluar donin të dinin nëse ai ishte homoseksual.
“Ai ngriu në karrige dhe tha, ‘Çfarë?’ dhe unë thashë, ‘Oh, jo, jo.’ Ai tha, ‘O idiot’, dhe e hoqi mikrofonin e vazhdoi, ‘Do lajme të fundit, o mbeturinë'”.
Këngëtari më pas u largua nga regjistrimi dhe producenti u tërbua për këtë dhe tha: “Kjo është e tmerrshme”. Prezantuesi fluturoi për në Miami për këtë intervistë dhe pas skandalit, shefat e tij nga Los Angeles e telefonuan dhe e kritikuan.
“Nuk është puna ime të lëndoj njerëzit. Detyra ime është të kuptoj se kush jam dhe ku po shkoj, dhe në jetë duhet të jesh i përgatitur të bësh gabime”, tha Bush. Ai menjëherë i kërkoi falje këngëtarit duke thënë: “Riki, më vjen shumë keq që e bëra atë pyetje. Nuk e di çfarë po mendoja. Ishte e papërshtatshme. Më vjen shumë keq dhe të premtoj se kjo intervistë nuk do ta shohë kurrë dritën e diellit.” Riki i pranoi se kishte luftuar me të gjithë jetën e tij.
“Do ta them kur të jetë koha dhe vendi i duhur. Nuk do të jetë këtu në këtë program ndërsa unë promovoj albumin. Kjo është shumë personale për mua. Të vlerësoj që u ktheve këtu. Të fal”, tha ai.
(Kosova Sot Online)
