Lexoni edhe:
Dua Lipa ndez skenën me këtë paraqitje
Çfarë i ndodhi Lady Gaga-s që anuloi koncertin?
Këngëtarja e famshme, Lady Gaga, ka njoftuar përmes një postimi në rrjetet sociale, shtyrjen e koncertit të saj të planifikuar në Miami. transmeton gazeta "Kosova Sot Online".
Këtë veprim e bëri vetëm pak minuta para se të ngjitej në skenë, duke thënë se ka probleme me zërin e saj.
Ylli i muzikës u shpreh se këshilla e mjekut të saj është që të mos shfaqet në koncert.
Në postimin e bërë në “Instastory” mbrëmjen e djeshme, Lady Gaga shpjegoi për fansat se gjatë provës zëri i saj ishte “jashtëzakonisht i tendosur”.
“Përshëndetje të gjithëve, më vjen shumë keq, por duhet ta shtyj shfaqjen e sonte në Miami”, shkroi këngëtarja e famshme.
“Si mjeku im ashtu edhe trajneri i vokalit më këshilluan të mos performoja për shkak të rrezikut të përfshirë”, vijoi Gaga, duke vënë në dukje se ndërsa donte të ishte “e ashpër dhe të vazhdonte normalisht për publikun”, nuk donte të “rrezikonte dëmtime të përhershme ose afatgjata” të kordave të saj vokale.
Artistja e quajti vendimin “të vështirë” dhe “të dhimbshëm”, duke theksuar se “ekziston një rrezik i konsiderueshëm bazuar në përvojën e saj në një shfaqje”.
Gaga shtoi se “u përpoq shumë ta shmangte këtë rezultat”, duke vënë në dukje se po kujdeset shumë për shëndetin e saj në mënyrë që të përballojë një performancë kaq të vështirë.
“Ekziston një rrezik i konsiderueshëm bazuar në të gjithë përvojën tonë të kombinuar me një shfaqje si e jona dhe siç e dini, unë këndoj drejtpërdrejt çdo natë. Kujdesem shumë për veten time në mënyrë që të mund ta prezantoj këtë shfaqje jashtëzakonisht të vështirë. I dua shumë fansat e mi, ju respektoj dhe shpresoj që të pranoni faljen time të sinqertë”, përfundoi ajo postimin e saj, duke i siguruar fansat se po “përpiqej ta riplanifikonte shfaqjen sa më shpejt të ishte e mundur”.
(Kosova Sot Online)
