Lexoni edhe:
Irlanda, Spanja dhe Sllovenia po shqyrtojnë tërheqjen nga Eurovision për shkak të Izraelit
Leonardo DiCaprio zbulon personazhin që do të donte të luante
Leonardo DiCaprio, një nga aktorët më të mëdhenj të kinemasë bashkëkohore dhe fitues i çmimit Oscar, ka zbuluar së fundmi një dëshirë të veçantë për karrierën e tij, transmeton gazeta "Kosova Sot Online".
Në një intervistë për E! News, aktori tha se do të ishte i hapur të rikthehej në rolin e Jordan Belfort-it, ndërmjetësit të famshëm e të korruptuar të bursës në filmin kult të vitit 2013, The Wolf of Wall Street.
“Do të ishte argëtuese të bëja më shumë gjëra në The Wolf of Wall Street,” – u shpreh DiCaprio. Ky rol, nën regjinë e Martin Scorsese dhe përkrah emrave si Margot Robbie, Matthew McConaughey dhe Jonah Hill, konsiderohet një nga kulmet e karrierës së tij dhe i solli nominimin e katërt për Oscar.
Por aktori nuk foli vetëm për të kaluarën e lavdishme. Në një intervistë për Esquire, ai pranoi edhe një peng të madh: refuzimin për të interpretuar Dirk Diggler në filmin Boogie Nights (1997) të Paul Thomas Anderson, rol që më pas i hapi rrugën suksesit të Mark Wahlberg.
“Ky është zhgënjimi im më i madh,” – tha DiCaprio duke iu drejtuar vetë Wahlbergut në një bisedë publike. “Boogie Nights ishte një film i jashtëzakonshëm për brezin tim. Kur më në fund e pashë, mendova se ishte një kryevepër. Nuk mund ta imagjinoj askënd tjetër përveç Markut në atë rol.”
Këto rrëfime nxjerrin në pah jo vetëm reflektimin e DiCaprios mbi zgjedhjet e tij artistike, por edhe respektin që ai ushqen për kolegët dhe për rolet që kanë lënë gjurmë në historinë e kinemasë moderne.
(Kosova Sot Online)
