Lexoni edhe:
Shpat Kasapi vdiq por ai do të jetojë gjithmonë me hitet e tij
Gruaja e Shpat Kasapit emocionon me postimin: E le Roelin jetim, o Shpat…
Për vdekjen e artistit Shpat Kasapit ka reaguar edhe gruaja e tij, Selvije Jaho, transmeton gazeta "Kosova Sot Online".
Në një story në Instagram, Selvija ka thënë se Shpat Kasapi ka ndërruar jetë në krahët e saj.
“Ndrove jetë në krahët e mi, o jetë… Sa të lumtur ishim që më në fund Roelit po i bëheshin dokumentat në Itali, që të mund ta çonim sa më shpejt tek logopedët më të mirë. Sa jemi lodhur, sa jemi stresuar… dhe askush nuk e di! Sa të afërt kemi qenë, sa bashkëpunues në privatësinë tonë, duke shijuar rritjen dhe zhvillimin e Roelit. Nuk prite ta dëgjoje duke të thirrur babi… nuk prite, Shpat. Nxitove dhe na le këtu vetëm, pa ty. E le Roelin jetim, o Shpat… Në kohën kur më së shumti kishte nevojë për ty. Në kohën kur duart e tua i duheshin më shumë se kurrë. Si t’ia shpjegoj Roelit që babi nuk është më? Më thoje gjithmonë se do të më doje deri sa vdekja të na ndante… por pse u ndave nga jeta në krahët e mi, pse ma këpute zemrën kështu, o jetë? Inshallah takohemi në Xhenet… Allahu të deshi pranë vetes por unë mezi pres të zgjohem nga gjumi dhe të jesh këtu për ne.”
(Kosova Sot Online)
