Facebook braktis planet e shfaqjes së reklamave në WhatsApp

  • 17 janar 2020 - 20:55
Facebook braktis planet e shfaqjes së reklamave në WhatsApp

WhatsApp kishte një model të biznesit të përzier në fillim.

Kompania fillimisht u kishte ngarkuar përdoruesve një tarifë abonimi vjetor, por ata më vonë e larguan atë, dhe që nga ajo kohë, aplikacioni ka qenë pa pagesë për t’u përdorur.

Kur Facebook e bleu atë, nuk kishte dyshim se kompania planifikonte të fitonte para nga aplikacioni, por si do ta bënin atë saktësisht?

Vitin e kaluar WhatsApp kishte konfirmuar se ata do të futnin reklama në azhurnimet e statusit, të ngjashme me Stories në Instagram, por tani sipas një raporti nga The Wall Street Journal, Facebook po braktis ato plane.

Raporti pretendon se zelli i Facebook-ut për të fituar para nga WhatsApp ishte ajo që i bëri themeluesit e aplikacionit të hiqnin dorë nga ndërmarrja. 

Raporti vazhdon të deklarojë se Facebook gjithashtu krijoi një ekip për të parë mënyrat për fitimin e parave prej aplikacionit, por ai ekip është shpërndarë që nga ajo kohë dhe puna që ata kanë bërë deri më tani është fshirë nga kodi i WhatsApp.

Kjo do të thotë që të paktën tani për tani, Facebook nuk do të prezantojë reklama në WhatsApp, por me një bazë të tillë aktive masive të përdoruesve, do të ishte e pamundur të mendohet se Facebook nuk do ta rishikojë këtë në të ardhmen.

Sidoqoftë, kur ose si planifikojnë t’i qasen çështjes mbetet të shihet, por tani për tani, WhatsApp duket se mbetet pa reklama.

(Kosova Sot Online)