BMW-ja e vitit 1988 u shit për 250.000 dollarë

Një veturë BMW M3 nga seria E30 e prodhuar në vitin 1988 dhe që i ka të kaluar më pak se 13.000 km, është shitur për 250.000 dollarë.

Vetura ishte nxjerr në shitje në faqen e ankandeve “Bring a Trailer” dhe nuk shkoi shumë kohë para se pronari i ri të ndante shumë të madhe të hollave për të.

Bëhet fjalë për një model standard krahasuar me ato të mëvonshme, me motor 2.3, katër cilindërsh me 200 kuaj fuqi.

Shpejtësinë prej 0 deri në 100 km\h e arrin për 6.7 sekonda, kurse maksimalja është fiksuar në 235 km\h.

Vetura ishte në garazhë nga mesi i viteve ’90, qëkur vdiq pronari i saj i parë dhe i vetëm deri më tash.

(Kosova Sot Online)