iPhone 12 pritet të lansohet me vonesë, rritet edhe çmimi i tij

  • A.P /
  • 10 gusht 2020 - 15:53
iPhone 12 pritet të lansohet me vonesë, rritet edhe çmimi i tij

Edhe pse pritej që seria e re e iPhone të lëshohej në fillim të shtatorit, duket se një gjë e tillë nuk do të ndodhë.

Madje, jo vetëm vonë por edhe me çmim më të lartë.

Mësohet se iPhone 12 (iPhone 12 Max dhe iPhone 12 Pro) do të lansohet me vonesë prej dy deri në katër javë, nga kur janë lëshuar seritë e reja zakonisht.

Por, nuk janë larguar as mundësitë që lëshimi të bëhet edhe më vonë, në fillim të nëntorit.

Përveç vonesës, çmimi i iPhone 12 dhe iPhone 12 Pro Max do të jetë më i lartë se sa pritej, me 50 apo 100 dollarë që do t’i shtohen çmimit me të cilin ishin proklamuar fillimisht.


(Kosova Sot Online)