Zuckerberg humbet 70 miliardë

Pasuria neto e shefit ekzekutiv të Meta, Mark Zuckerberg ka rënë me 70 miliardë dollarë deri më tani këtë vit, duke e zbritur atë në vendin e 20-të të personit më të pasur në botë, tregojnë vlerësimet.

Zuckerberg e filloi vitin me një pasuri prej 125 miliardë dollarësh, sipas Indeksit të Miliarderëve të Bloomberg. Por që atëherë, sipas të dhënave, pasuria e tij i ka rënë në 55.3 miliardë dollarë, një rënie prej pak më shumë se 55%. Forbes vlerëson pasurinë e tij neto në 53.4 miliardë dollarë.

Meta, e cila zotëron Facebook, Instagram, WhatsApp dhe Oculus, ka kaluar 12 muaj të trazuar që kur Zuckerberg tha se do të bëhej një kompani “metaverse” dhe më pas zbuloi një riemërtim masiv tetorin e kaluar. Facebook vazhdoi të raportojë rënien e tij më të madhe të parë ndonjëherë në numrin e përdoruesve, duke humbur afërsisht një milion përdorues aktivë në ditë në tremujorin e fundit të 2021.

Të ardhurat neto të Metës ranë me 36%, ose më shumë se 3 miliardë dollarë, në tremujorin e dytë nga e njëjta periudhë e vitit 2021.

(Kosova Sot Online)