Lexoni edhe:
'Pa hile' thotë Elona Leka
Pse njerëzit i besojnë më shumë lajmeve të rreme në TikTok sesa mediave tradicionale?
Numri i njerëzve në të gjithë botën që fillimisht i janë qasur lajmeve nëpërmjet një faqe interneti ose aplikacioni ka rënë me 10 pikë që nga viti 2018, me grupet e reja që preferojnë të lexojnë lajmet përmes mediave sociale.
Audienca u kushton më shumë vëmendje personave të famshëm, influencuesve dhe personaliteteve të mediave sociale sesa gazetarëve në platforma të tilla si TikTok, Instagram dhe Snapchat, ka thënë Instituti për Studimin e Gazetarisë në raportin vjetor.
TikTok është rrjeti social me rritjen më të shpejtë, me 20 për qind të njerëzve 18 deri në 24 vjeç që e përdorin atë për lajme, pesë pikë më shumë se vitin e kaluar. Më pak se gjysma e të anketuarve shprehën interes të madh për lajmet në përgjithësi, duke pësuar rënie të ndjeshme.
“Nuk ka asnjë arsye të arsyeshme për të pritur që ata që kanë lindur në vitet 2000 do të preferojnë papritur faqet e internetit të modës së vjetër, e lëre më televizionin dhe gazetat e printuara, thjesht sepse këto mjetet informacioni po plaken”, ka thënë drejtori i Institutit, Rasmus Nielsen, në një raport të bazuar në një sondazh prej rreth 94 mijë të rriturve, të kryera në 46 tregje, duke përfshirë SHBA-në.
Njerëzit ende preferojnë që lajmet e tyre të zgjidhen nga algoritmet dhe jo nga redaktorët ose gazetarët.
Besimi në mediat tradicionale ka rënë vitin e kaluar, besimi në lajmet ka rënë me dy pikë vitin e kaluar, duke përmbysur shifrat në kulmin e pandemisë së COVID-19. Mesatarisht, 40 për qind e njerëzve thonë se i besojnë shumicës së lajmeve shumicën e kohës. Shtetet e Bashkuara patën rritje në besueshmërinë e lajmeve, por ende konsiderohet ulët.
Në të gjitha tregjet, 56 për qind e njerëzve thonë se janë të shqetësuar për të gjetur ndryshimin midis lajmeve reale dhe të rreme në internet – dy pikë më shumë se vitin e kaluar.
Sondazhi zbuloi se 48 për qind e njerëzve thonë se janë shumë ose jashtëzakonisht të interesuar për lajmet, nga 63 për qind më 2017.
(Kosova Sot Online)
