Apple po punon për një MacBook më të lirë

Apple po zhvillon një seri të MacBook me kosto të ulët për të konkurruar me modelet e Chromebook në sektorin e arsimit që mund të lansohet që në gjysmën e dytë të vitit 2024, pretendon një raport i ri nga Tajvani.

Sipas burimeve të industrisë së DigiTimes, Apple ka gjasa të lansojë linjën e re të produkteve për ta dalluar atë nga ekzistuese MacBook Air dhe Pro të kompanisë.

Pamja e jashtme e serisë do të jetë me shtresë metalike, por do të jetë prej “materialeve të ndryshme” dhe kostoja e komponentëve mekanikë do të jetë më e ulët, pretendon raporti.

Mbi 13.9 milionë Chromebook u shitën në vitin 2019, duke u rritur kjo shifër në mbi 30.4 milionë në vitin 2020 dhe 33.5 milionë në vitin 2021, sipas DigiTimes Research, duke theksuar popullaritetin e laptopëve me kosto të ulët të Google në sektorin e arsimit, veçanërisht gjatë dhe rreth pandemisë globale.

(Kosova Sot Online)